أشنو هو الكتاب المقدس؟

نظرة خاطفة عن الكتاب المقدس

الكتاب المقدس هو كتاب لكل الناس، لكل لأوقات كيتكوّن من 66 كتاب مختالفين على بعضياتهم بما فيهم كتب شريعة، كتب تاريخ، كتب شعر، كتب النبوة، سِيَرْ ذاتية، ورسائل خاصة 

تقريبا ربعين واحد ساهمو ف كتابة الكتاب المقدس (بطرس تانية 1: 21) واللي تكتب ف فترة زمانية ديال 1500 عام 

كل الكتاب هو ”وحي من الله“(تيموثاوس تانية 3: 16) لي كتعني بلي الله أوحى الكتاب للبشر باش يكتبوا بالضبط داكشي لي بغاهم الله يكتبوا. الله أمين و كلامو كامل (مزمور33: 4) وهو وعدنا بلي كلامو عمرو مايموت و هاكّا نقدرو نتيقوا فالكلام ديالو تقة كاملة كيما نقدرو نتيقو فيه هو تقا كاملة 

تاريخيا، هاد شي يمكن نفحصوه كدالك ملّي نمشيو لمتاحيف ونشوفو الكتب المقدسة القديمة و المخطوطات ديال الكتاب المقدس لي العمر ديالها كثر من 2000 سنة، و يمكن لينا نشوفو بعينينا كيفاش كلام الله بقا هو هو (مخطوطة ديال سيناء، مخطوطات البحر الميت، إلخ….) الكتاب المقدس هو قصة الله، كاتبدا مع الخلق وكاتمشي عبر تاريخ ديال شعب الله حتى توصل للنبوات اللي هما الأمور اللي غادي تجي واللي غادي تكون فالجنة والأبدية 

الكتاب المقدس فيه جوج أقسام رئيسيين : العهد القديم و العهد الجديد. يسوع المسيح هو الشخصية الرئيسية ديال الكتاب لمقدس - حقيقة لكتاب كلو تيتكلم عليه بوحدو. العهد القديم كايتنبأ على لمجي ديالو وكايحدد وقت الدخول ديالو للعالم. العهد الجديد كايوصف لمجي ديالو ولخدمة ديالو باش يجيب الخلاص للعالم ديالنا الخاطي